حدیث ثقلین میں اللہ کے نبی حضرت محمد مصطفیٰ صلی اللہ علیہ و آلہ وسلم نے مسلمانوں کے لیے قرآن و اہل بیتؑ سے تمسک کی تاکید کی اور فرمایا ہے کہ جب تک مسلمان ان دو گرانبہا چیزوں یعنی قرآن و اہل بیتؑ کے ساتھ متمسک رہیں گے گمراہ نہیں ہوں گے۔ سیرت و تعلیمات محمدؐ و اہل بیت محمدؑ بنی نوع انسان کی نجات کا واحد راستہ ہے۔ محمدؐ و اہل بیت محمدؑ کی سیرت اور تعلیمات سے آشنائی مسلمانوں کے لیے نہایت ضروری ہے۔ اس سلسلہ میں علمائے اعلام نے گراں قدر علمی اور قلمی کام کیا ہوا ہے اور یہ سلسلہ اہل علم کی سنت کے مطابق جاری ہے۔
حجۃ الاسلام والمسلمین ڈاکٹر سید شفقت حسین شیرازی نے کچھ عرصہ قبل محمدؐ و اہل بیت محمدؑ کی زندگی کے سیاسی پہلو اور اجتماعی جدوجہد کو باقر العلوم انسٹیٹیوٹ حوزہ علمیہ قم میں دئیے گئے اپنے سلسلہ درس کا موضوع سخن بنایا ہے۔ الباقر مرکز مطالعات اسلام آباد نے ان دروس کی انشاء اور تصحیح و تہذیب کے بعد انہیں کتابی صورت میں شائع کیا ہے۔
کتاب ہذا بعنوان سیرت معصومینؑ حجۃ الاسلام والمسلمین ڈاکٹر سید شفقت حسین شیرازی کی تیسری کتاب ہے جو زیور طبع سے آراستہ ہوکر قارئین کے استفادے کے لیے پیش کی گئی ہے۔ امید کرتے ہیں کتاب ہذا سیرت معصومینؑ کے موضوع پر اردو زبان میں دستیاب کتب میں ایک بہترین اضافہ اور موضوع سے دلچسپی رکھنے والے قارئین خصوصا مبلغین اسلام کے باعث استفادہ ہوگی۔
Seerat e Masomeen (a.s) ڈاونلوڈ
