الباقر تحقیقی مجلہ سال میں دو بار شائع ہونا طے پایا ہے جس کے پہلے شمارے کے لیے مارچ-اپریل اور دوسرے شمارے کے لیے اکتوبر-نومبر میں مقالات ارسال کیے جاسکتے ہیں۔
مقالہ ارسال کرتے ہوئے درج ذیل اصولوں کو ملحوظ رکھا جائے۔
- مقالہ محقق کی اپنی تحقیق اور واضح نتائج پر مشتمل ہونا چاہئیے۔
- ایسا مقالہ اشاعت کے لیے نہ روانہ کیا جائے جو کسی اور تحقیقی مجلے میں بھی اشاعت کے لیے بھیجا جا چکا ہو ، ایسی صورتحال میں مقالہ نگار کو چاہئیے کہ اس سلسلے میں وہ واضح نشاندہی کرے۔
- مقالے کو نوری نستعلیق فونٹ سائز ۱۳، پیج سائز۵ x۹میں کمپوز کرواکر بذریعہ ای میل روانہ کیا جائے۔ جو 10 صفحات سے کم اور 20 صفحات سے زیادہ نہ ہو۔
- ای میل کے سبجیکٹ کے خانے میں یہ ضرور لکھا جائے "Article for Al-Baqir”۔
- مقالے کی تین عدد ہارڈ کاپیزبھی A4سائز کاغذ پر ایک ہی جانب کمپوز کرواکر بھیجی جائے ۔
- مقالے میں اگر جدول و تصاویر شامل ہوں تو واضح ہوں تاکہ ان کا عکس دوبارہ با آسانی لیا جاسکے۔
- مقالے کے صفحہ اول پر دائیں طرف مقالہ نگار کے نام کے بعد ، عنوانِ مقالہ اور اس کے بعد انگریزی اور اردو دونوں زبانوں میں اس کاملخص ( زیادہ سے زیادہ دو سوالفاظ پر مشتمل) ہونا چاہئے۔ جبکہ اسی صفحے کی آخری سطر پرمقالہ نگارکی تعلیم، شعبہ، عہدہ، ادارہ اور ایمیل درج کیا جائے۔
- متن میں حوالوں کا اندارج یا ماخذ کا حوالہ اگر بین السطور دیا جائے تو حوالے کے لیے مصنف کے نام کا آخری جزو، سن ، اشاعت اور صفحہ نمبر، جو جہاں ضروری ہے درج کیا جائے۔ اگر اسی حوالے کو دوبارہ دینا ہو تو اسی صورت میں درج کیا جائے۔ بین السطور حوالہ درج کرتے ہوئے ایضاً اور’ تصنیف مذکور ‘ سے گریز کیا جائے۔ مثالیں درج ذیل ہیں:۔(نجم الاسلام ۱۹۸۸ء ،۴۴) (حجازی، ۱۹۷۰ء،الف،۳۔۵۳) یہاں الف اس لیے ہے کہ اس مصنف کا کوئی اور ماخذ بھی اسی سال چھپا ہے اور اس کا حوالہ بھی فہرستِ اسنادِ محولہ یا کتابیات میں شامل ہے۔
- تمام حوالوں کی تفصیل مقالے کی آخر میں درج کی جائے اور ضرورتاً ایضاً یا تصنیف مذکور بھی تحریر کیا جائے۔
- مقالے کے آخر میں تمام ماخذ یا حوالوں کی تفصیل شامل کرتے ہوئے اس ترتیب کو ملحوظ رکھا جائے۔
- کتب کا اندراج کرنا ہوتو : مصنف کا نام، ،عنوانِ کتاب، ناشر ،سن، اور صفحہ نمبر ۔
- مجموعہ مقالات کو اندراج کرنا ہو تو : محقق کا نام، عنوانِ مضمون، جس مجلے یا کتاب میں شامل ہے اس کا نام، مرتب کا نام، ناشر،سن، اور صفحہ نمبر۔
مدیرالباقر تحقیقی مجلہ
editoralbaqir@gmail.com
www.albaqircenter.com
00923478890881
